نئی دہلی23دسمبر(ایس او نیوز؍آئی این ایس انڈیا) بالی ووڈ اداکار نصیر الدین شاہ کی طرف سے ملک میں قانون کا نظام پر سوال اٹھانے والے بیان کو لے کر بھی بحث جاری رہی ہے۔ اداکار اور بی جے پی حامی انوپم کھیر نے اس بیان کو لے کر نصیر الدین شاہ پر نشانہ لگایا ہے، انہوں نے امت شاہ سے پوچھا کہ اس ملک میں ایک شخص فوج کو گالی دے سکتی ہے، اور کتنی زیادہ آزادی چاہیے۔انوپم کھیر نے میڈیا سے کہاہے کہ ملک میں بہت آزادی ہے، یہاں آپ فوج کو گالی دے سکتے ہیں اور فوج پر پتھر پھینک سکتے ہیں۔آپ کو ایک ملک میں اور کتنی زیادہ آزادی چاہیے۔۔نصیرالدین شاہ کے بیان کے بعد بی جے پی حکومت کے وزیر بھی اپنے دفاع میں اترے ہیں۔مرکزی وزیر مختار نقوی نے کہاہے کہ ملک کے ڈی این اے میں رواداری کی وجہ سے سینئر اداکار کے بچے کو ڈرنے کی ضرورت نہیں ہے۔ انہوں نے کہا کہ تل کا تاڑ بنایا جا رہا ہے۔نقوی نے کہاکہ میں سمجھتا ہوں کہ ان کی باتیں صحیح ہو سکتی ہیں لیکن ان کے الفاظ کا شاید غلط مطلب نکالا گیا اور تل کا تاڑ بنایا گیا۔بھارت ایک روادار ملک ہے۔رواداری اور بھائی چارہ ملک کے ڈی این اے میں ہے۔ اس مضبوط وراثت کو تباہ کرنے میں کوئی بھی کامیاب نہیں ہوا۔